Manobo, Obo Genesis Translation

Genesis,

Iddos Binotokkan Moka-atag

To Mgo Id Tigkonayan

Iddos Ituwan To Kodbovaa

IiDiyon to tigkonayan, mid
bovaa iddos Monama to
langit woy ingod. 2Na, iddos
ingod waa pa loddoy woy waa
pa ta-aw, su notombunan pa
idda to dahat woy dollom.
Iddos Ispiritut Monama mid
tamong woy mid waong diyot
ampow't dahat.

3Na, mid ikahi iddos
Monama to, "Od kovovallan
kos ko-owangan." Na, duwon
don ko-owangan. 4No nahaa
iddos Monama to id
ontongngan din iddos
ko-owangan su moppiya man
idda. Na, id pod-ossa rin iddos
ko-owangan woy iddos dollom.
sld ngoranan to Monama iddos
ko-owangan no 'Allow* woy
iddos dollom id ngoranan din
mandad no 'Bulli*. No novulli
ron woy nosollom don, idde-en
kos unnon allow to kodbovaa.

6Na, mid ikahi mandon
iddos Monama, kahi rin to, "Od
kovovallan kos ko-oowayan
amoy'd pokod-ossa iddos
oweg." 7Na, novovallan don
iddos no-ikahi rin. Id bovallan
to Monama iddos ko-oowayan
woy pinidba-ad din iddos oweg
no lomig diyon to datas woy
iddos oweg no lomig dini to
dosiyung. 8ld ngoranan din to
'Langit* iddos lomig diyon to
datas to ko-oowayan. Na, mid
lihad don kos bulli woy
nosollom don mandon, no
iko-oruwa ron no allow idda.

9Na, mid ikahi mandon
iddos Monama to, "Od kolimud
kos oweg no lomig diyon to
dosiyung to ko-oowayan
amoy*d loppow kos livuta.*' Na,
novovallan don iddos no-ikahi
rin. iold ngoranan to Monama
no 'Ingod* iddos livuta, woy
iddos nolimud no oweg id
ngoranan din no 'Dahat*. No

Genesis 1

nahaa iddos Monama to id
ontongngan din su moppiya
iddos binovallan din. uNa,
nopongnga idda, mid ikahi ron
mandon iddos Monama to, "Od
pontuvu ka-ay't ampow't livuta
kos nokod-osso-osson mgo
sabbot woy icidos
nokod-osso-osson mgo
pinomuwa no duwon lisoo woy
iddos nokod-osso-osson mgo
kayu no od pombovunga!" Na,
novovallan don iddos no-ikahi
rin. I2ld pontuvu ron ka-ay't
ampow't livuta iddos
nokod-osso-osson mgo sabbot
woy iddos nokod-osso-osson
mgo pinomuwa woy iddos
nokod-osso-osson mgo kayu. No
nahaa iddos Monama to id
ontongngan din su moppiya
iddos binovallan din. isNa, mid
lihad don kos bulli woy
nosollom don mandon, no
iko-otollu ron no allow idda.

HNa, mid ikahi ron
mandon iddos Monama, kahi
rin to, a Od loppow kos mgo
taddow ruwot langit amoy'd
pokod-ossa kos taddow to allow
woy kos taddow to bulli. Na, ini
en mandad kos mgo patow nod
boggoy to kosorollan to
kodtigkanoy to ipat allow, woy
mgo lahun woy mgo timpu,"
kahi rin. is"Na, od se-aa kow
ruwot langit amoy'd

ko-owangan don inis ingod."
Na, novovallan don iddos
no-ikahi rin. i«Id bovallan din
iddos oruwon dakkoon taddow
Iddos allow od boggoy to se-aa
otin allow, woy iddos buwan od
boggoy to se-aa otin bulli. No id
bovallan din mandad iddos mgo
bitu-on. Hid ta-aw to Monama
iddos mgo taddow riyot langit
amoy'd pokovoggoy to se-aa
ka-ay't ampow't ingod. isNa,
iddos allow od se-aa laroy't
allow woy iddos buwan mandad
od se-aa timpu to bulli amoy'd
pokod-ossa iddos ko-owangan
taddot mosukirom. No nahaa
iddos Monama to id
ontongngan din su moppiya
iddos binovallan din. wNa, mid
lihad don kos bulli woy
nosollom don mandon, no
iko-oppat don to allow idda.

20Na, mid ikahi ron
mandon. iddos Monama, kahi
rin to, "Od pongo-ompon iddos
mgo oweg woy mgo dahat to
nokod-osso-osson mgo ngaap
nod pongnganuy. Od
pongo-ompon mandad iddos
ko-oowayan to

nokod-osso-osson mgo manuk
nod layangiayang." 2iNa
novovallan don iddos no-ikahi
rin. Id bovallan to Monama
iddos doorakkoo no mgo ngaap
to dahat nod pongnganuy woy

Genesis 1

iddos langun no
nokod-osso-osson ngaap diyot
mgo oweg woy mgo dahat. No
id bovallan din mandad iddos
langun no nokod-osso-osson
manuk nod ponlayanglayang
ka-ay't ampow't ingod. No
nahaa iddos Monama to id
ontongngan din su moppiya
iddos binovallan din. 22ld
boggayan to Monama to
kopiyannan, no kahi rin
kandan to, "Od maapung kow
no mgo ngaap woy omponno
row kos dahat. No od mo-nraa
kow mandad no mgo manuk
ka-ay't ampow't ingod." 23Na,
mid lihad don kos bulli woy
nosollom don mandon, no
ikolimma ron to allow idda.

24Na, mid ikahi mandon
iddos Monama, kahi rin to, "Od
ponloppow ka-ay't livuta kos
langun no nokod-osso-osson
mgo monnanap, iddos mgo
monnanap no mellat, woy iddos
mgo monnanap no mo-itik,
iddos mgo doorakkoo woy mgo
moollimot." Na, novovallan don
iddos no-ikahi rin. 25ld bovallan
to Monama iddos langun no
nokod-osso-osson mgo oyama
woy iddos langun no
nokod-osso-osson mgo
monnanap no mellat, woy iddos
mgo monnanap no mo-itik,
iddos mgo doorakkoo woy mgo

moollimot ka-ay't ampow't
livuta. No nahaa iddos
Monama to id ontongngan din
su moppiya iddos langun no
binovallan din.

26Na, mid ikahi iddos
Monama, kahi rin to, "Od
bovaa ki to minuvu no iling
keta. Sikandin don kos baahad
to langun ka-ay't ampow't
ingod, ahad iddos langun no
mgo ngaap diyot dahat, woy
iddos langun no mgo manuk,
woy iddos langun no mgo
monnanap ka-ay't ampow't
livuta. " 27Na, mid bovallan to
Monama iddos minuvu no id
po-iling din kandin, mama woy
ba-ay kos id bovallan din. 28Na,
id boggayan dan to kopiyannan
to Monama, no kahi rin
kandan to, "Aanak kow to
mo-uraa amoy'd pon-oubpa
woy'd ponso-ob ka-ay't
ampow't ingod kos mgo lubbad
dow. Na, sikiyu ron kos baahad
to langun no mgo ngaap to
dahat, woy iddos langun no
mgo manuk, woy iddos langun
no mgo monnanap ka-ay't
ampow't ingod. 290ntongngi
row man, id boggoy ku koniyu
kos langun no mgo
nokod-osso-osson pinomuwa no
duwon lisoo ka-ay't ampow't
ingod woy iddos langun no mgo
nokod-osso-osson bunga to mgo

Genesis 1, 2

kayu amoy'd kannon dow, w
kahit Monama. 30"Id boggoy ku
mandad diyon to langun no
monnanap no mgo doorakkoo
woy mgo moollimot, ahad iddos
mgo mellat, woy riyon to
langun no mgo manuk iddos
langun no pihdmuwa woy mgo
sabbot amoy'd kannon dan.- 19
Na, idde-en kos id puungan to
langun no mid ikahi to
Monama. 3iNo nahaa iddos
Monama su nokita rin no
oraroy'n moppiya iddos langun
no mgo binovallan din. Na, mid
lihad don kos bulli woy
nosollom don mandon. Na,
ika-annom don no allow idda.

2iNa, nopongngo ron to id
bovaa to Monama iddos
langit woy iddos ingod woy
iddos langun no mgo binovallan
din. 2Gulari to ikopittu ron no
allow, id soro ron iddos
Monama to langun no
pinuungan din su nopongnga
rin don man iddos langun no id
puungan din daom to annom
no allow. 3Na, id mahaa to
Monama iddos ikopittun allow
woy id po-uhis din inin allow
atag kandin, su id soro ron
man sikandin taddot kodbovaa
rin, de-en mid imolloy sikandin
ka-ay no allow.

Si Adan Woy Si Eva

4Na, iling ka-ay kos
ituwan taddot kodbovaa to
langit woy ingod. Diyon to id
bovallan to Monama nod
LONGAGGON iddos langit woy
ingod, 5waa pa sabbot woy
pinomuwa no id tuvu ka-ay't
livuta, su waa pa man
po-urana to Monama nod
LONGAGGON woy waa pa man
minuvu nod pokopuung to
livuta. oPiru ahad waa uran,
duwon dad sobsob no pomon
diyon to daom to livuta nod
mokopo-ommos to livuta.

?Na, id bovallan to
Monama nod LONGAGGON iddos
minuvu pomon to livuta. Mid
irupan din iddos irung to
minuvu to songnga rin nod
pokovoggoy to umuu. Na, iddos
minuvu duwon don ko-ontayan.
8Mid bovaa iddos Monama nod
LONGAGGON tod pomuwannan
diyon to Eden, iddos ingod no
lomig diyon to id tollak, no id
po-ubpa rin dutun iddos
minuvu no id bovallan din.
0Na, id potuvu to Monama nod
LONGAGGON iddos langun no
mgo nokod-osso-osson
moppiyon kayu no od bovunga
to moppiyon bunga nod
kannon. Na, dutun to
tongannan to pinomuwannan
diyot Eden, duwon oruwon

Genesis 2

kayu. Iddos sokkad no kayu id
ngoranan to kayu't ko-ontayan
su iddos bunga rin od
pokosuppay to umuu kod
kannon. Iddos sokkad mandad
no kayu id ngoranan to kayu't
koovottan ko ondan kos
moppiya woy morat, su iddos
bunga rin od pokovoggoy to
sinorollan to moppiya woy
morat.

loPomon diyon to Eden, id
aus kos sokkad no oweg amoy'd
ko-omossan iddos
pinomuwannan. Na, pomon
diyon iddos oweg nova-ad
mandon to oppat. nlddos
unnon oweg id ngoranan to
Pison, no iddon oweg id
lekkolekko riyon to langut
livuta to Havila. i2Na, diyon to
Havila, duwon lumbus no
buawan woy duwon mandad
mgo mammut no dita pomot
kayu woy mgo mahaa no batun
mosellow. lslddos iko-oruwon
oweg id ngoranan to Gihon, no
inin oweg id lekkolekko riyon
to langut livuta to Kus. HTigris
kos ngaran to iko-otollun oweg
no id aus diyon to livuta to
Asiria no lomig tid tollak. No
iddos iko-oppat no oweg id
ngoranan to Euprates.

isNa, id po-ubpa to
Monama nod LONGAGGON iddos
minuvu riyon to

pinomuwannan diyot Eden
amoy sikandin kos od puung
woy'd tuhanuu tadda. i«Na, id
ikohiyan din iddos minuvu,
kahi rin to. "Od pokoka-an ka
to ahad ondan no bunga to
kayu ka-ay't pinomuwannan,
lfpiru yo ru kanna ikos bunga
to kayu to koovottan ko ondan
kos moppiya woy morat, su od
patoy ka en otin od pokoka-an
ka ruwon."

i»Na, mid ikahi iddos
Monama nod LONGAGGON, kahi
rin to, "Konna moppiya nod
oubpa kos minuvu no sokkad
din da, od boggayan ku
sikandin to ongngad no duma
rin nod pokotavang kandin."

i9Na, id livuung to
Monama riyot ki Adan, iddos
langun to nokod-osso-osson
mgo monnanap no binovallan
din pomon to livuta, woy iddos
langun to nokod-osso-osson
mgo manuk, amoy'd ngoranan
ni Adan idda langun. Na, ahad
ondan kos id ngaran din ipat
sokkad kandan, idda ron en kos
kandin no ngaran. 20N0 id
ngoranan don ni Adan iddos
langun no mgo monnanap woy
iddos mgo manuk, piru waa
nokokita si Adan to ongngad
no loppong din nod pokotavang
kandin.

Genesis 2, 3

2iNa, mid pothruhon to
Monama nod LONGAGGON si
Adan. Laggun to no-urom-urom
sikandin, id angoy kos Monama
nod LONGAGGON to sokkad no
gusuk ni Adan woy id po-uliyan
din mandad iddos sapu rin no
no-ongayan to gusuk. 22Na,
iddos gusuk ni Adan, mid bauy
rin no ba-ay. Na, nopongnga
idda, id poporani rin iddos
ba-ay riyot ki Adan. 23Mid
ikahi si Adan to,

"Ini rad en kos iling

koddi, su ikos tullan

din pomon en to

tullan ku
woy ikos sapu rin

pomon en to sapu ku.
'Ba-ay*' kos ngaran din,
su id angoy man

sikandin pomon

diyon to mama."
24Na* idde-en kos unayan no
iddos ipat sokkad no mama od
suwoy taddot kandin no amoy
woy inoy ko od osawa ron
sikandin, su amoy
mokodsokkad don iddos
toosawa to ko-ubpa ran.

25Na, iddos mama woy
iddos ba-ay iddon timpu,
paanan waa sabpong to mgo
lawa ran, piru waa ran man
no-ilow.

Mid Tempaa Iddos Minuvu To
Suhut Monama

3iNa, iddon timpu iddos
uwod oraroy'n mopandoy
to langun no mgo monnanap
no binovallan to Monama nod
LONGAGGON. Na, mid ikahi
iddos uwod diyon to ba-ay, kahi
rin to, "Bonnaa ve-en no mid
ikahi iddos Monama no konna
kow'd pokoka-an to ahad
ondan no bunga to mgo kayu
ka-ay'n pinomuwannan?"

2Mid ikahi iddos ba-ay to,
"Te! Od pokoka-an koy man to
langun no mgo bunga to mgo
kayu ka-ay no pinomuwannan,
3piru id baaha ra konami to
Monama nod ka-an taddot
bunga to kayu no ruwon to
tongannan to pinomuwannan,
su od patoy koy kun, ahad od
somaddan doy ra, M kahi tat
ba-ay.

4Piru mid ikahi mandon
iddos uwod diyon to ba-ay, kahi
rin to, "Konna kow en od
patoy. sld oseng idda to
Monama koniyu, su nosorollan
din man no otin od pokoka-an
kowd to bunga ruwon no kayu,
duwon don sinorollan dow, na,
od poko-iling kowd to Monama

Genesis 3

no mokosaddoo to moppiya woy
morat," kahit uwod.

6Na, ungkay su nokita to
ba-ay no iddos bunga to kayu
no moka-ayyam-ayyam en to
mata, no riyot poomdom din
moppiya man nod kannon idda,
woy'd pokovoggoy mandad ini
to kotuwiggan din, de-en mid
pupu sikandin taddot bunga to
kayu, no mid ka-an don
sikandin. Nopongnga idda id
boggayan din mandad to
dumon bunga iddos sawa rin.
Na, mid ka-an mandad iddos
mama. ?Na, iddo ron en
nopongnga mid ka-an
sikandan, nopokes don kos mgo

poomdom dan. No duwon don
sinorollan dan no waa vos
sabpong to mgo lawa ran.
De-en id angoy ran to
momoowwag no mgo do-un to
kayu woy id bovallan dan idda
no sabpong to mgo lawa ran.

8Na, to mapun don woy id
kokaamag, norinog dan iddos
Monama nod LONGAGGON no id
ipanow riyon to

pinomuwannan, no id olios don
sikandan diyon to kookoyuwon.
&Piru id umow to Monama nod
LONGAGGON iddos mama no
kahi rin to, "Adan, ingkon ka

man

?»

Genesis 3

loNa, mid tavak iddos
mama, kahi rin to, "Norinog ku
iddos kodpodtungpodtung du
riyot pinomuwannan;
novaakkan a, de-en id oollos a
su waa man sabpong to lawa
ku."

• uNa, mid intud iddos
Monama nod LONGAGGON
diyon to ki Adan to, "Ondoy
kid ponudtuu kikow no waa
sabpong to lawa ru? Ambo
man, id ka-an ka ayu to bunga
to kayu no id baaha ku kikow?"

i2Na, mid tavak iddos
mama no kahi rin to, "Iddos
ba-ay no id boggoy ru koddi kos
id poka-an to bunga to kayu,
de-en mid ka-an a mandad."

i3Na, mid intud mandad
iddos Monama nod LONGAGGON
diyon to ba-ay, "Ambo man to
id puungan du ini?"

Kahit ba-ay to, "Id okalan
a me-en to uwod, idde-en mid
ka-an a."

HNa, mid ikahi iddos
Monama nod LONGAGGON
diyon to uwod, kahi rin to,
"Su pomon ka-ay't

morat nid puungan

du,
sikkow re-en kos od

lu-uran ku riyon to

langun no mgo

monnanap.

Ini en kos id lu-ud ku
kikow,

no pomon ko-ungkay,
od dullug kad woy'd
pokoka-an ka to
boubbuk to livuta
taman tod patoy ka.
isOd podbunggotton ku
sikkow woy kos ba-ay,
od podbunggotton ku
mandad iddos mgo
koubbaran du woy
iddos kandin no mgo
koubbaran.
Na, od tuktukon du kos
keddong to lubbad
din piru iddos lubbad
din od lubpot
mandad tat uu ru."
i6Na, mid ikahi mandon
iddos Monama riyot ba-ay, kahi
rin to,

"Od timulan ku kos
kosupittan diyot
kodmovoddos du,
woy mosakit diyon to
kodpongaallan du.
Piru ahad iling tadda,
inaayun dad nod
ingowollon du kos
sawa ru,
woy sikandin kod
baahad kikow."
nNa, mid ikahi mandad
dos Monama riyot ki Adan,
kahi rin to,

Genesis 3

"Su id pomakoy ru man
kos sawa ru no id
ka-an ka to bunga to
kayu no id baaha ku
kikow tod ka-an,

od lu-uran ku kos
livuta pomon to id
puungan du.

Ayas ka pe-en od
oiluggat to kodbasuk
to livuta idda pa od
pokoka-an ka taman
tod patoy ka.
I80d tuvu en diyot livuta
iddos duhiyon no
mgo sabbot woy mgo
kayu,

nod kogahan ka pe-en
od ka-an to
pinomuwa riyot
puaason.
isOd oiluggat ka pa
woy'd potaddu ka to

ating du riyon to
kodpuung to kamot
du amoy'd ko-uyag
ka, taman tod uli ka
riyot livuta no id
pomonnan du.
Su id bovallan ka

pomon diyot livuta,
de-en od uli rad kos
lawa ru riyot livuta."
20Na, mid ngoranan ni
Adan to Eva iddos sawa rin, su
sikandin en kos inoy nid
pomonnan to langun no mgo
minuvu.

2iNa, mid bovallan to
Monama nod LONGAGGON iddos
minuvu woy iddos sawa rin to
mgo ogget no pomon to kindaa
to monnanap amoy'd umpakan
din sikandan.

10

Genesis 3, 4

Mid Pa-awa To Monama Si
Adan Woy Si Eva Pomon Diyot
Eden

22Na, kahi to Monama
nod LONGAGGON to,
"Ko-ungkay iddos minuvu
noko-iling don keta no duwon
don sinorollan dan ko ondan
kos moppiya woy morat. Na,
konna ron od kopakoy nod
pokoka-an sikandan taddot
bunga to kayu to ko-ontayan,
amoy konnod ko-uyag
sikandin to waad tomanon."
23Na, de-en id pa-awa to
Monama onsi Adan pomon
diyon to pinomuwannan to
Eden, no id popuung don
sikandin to livuta no id
pomonnan din.

24Na, gulari to noka-awa
ron onsi Adan, id potamong to
Monama nod LONGAGGON iddos
mgo doorakkoon ponolihan no
kerubin diyot lomig tid tollak
to Eden. Mid poruma mandad
kandan iddos sokkad no
polihuma nod loglog woy'd
poko-isau ahad ingkon diyon,
amoy waad mokoporani to
kayu to ko-ontayan nod
pokosuppay to umuu.

Si Kain Woy Si Abel

4iMid loyukan ni Adan si
Eva no id movoddos don
sikandin. Na, id anak don
sikandin to anak no mama. No
kahi ni Eva to, "Noka-anak a
to mama, su id tovangan a to
od LONGAGGON, de-en Kain kos
ngaran din." 2Na, mid anak pa
mandon sikandin to osson anak
no mama, no id ngoranan ki
Abel. Gulari to id doorakkoo
ron sikandan, si Abel kos
tohod-ouyag to mgo oyama no
bilibili, piru si Kain mandad,
tohodbasuk to livuta.

3Na, sokkad no allow
tadda, id boggoy ni Kain iddos
mgo bunga to pinomuwa rin
diyot od LONGAGGON. 4Si Abel
mandad, iddo ros mgo
maambog no ponganoy'n nati
to mgo bilibili rin kos id boggoy

Genesis 4

11

rin. Id imotayan din idda woy
id buwis din diyon to Monama
iddos oraroy'n maambu no taad
to bilibili. No nahaa iddos od
LONGAGGON ki Abel woy iddos
kodbuwis din. sPiru waa nahaa
iddos od LONGAGGON ki Kain
woy waa rin mandad tonggapa
iddos id boggoy ni Kain diyot
kandin. Na, mid langot si Kain
woy id tammud don sikandin.

6Na, mid ikahi iddos
Monama ki Kain, kahi rin to,
"Ambot od tammud ka? Konna
ollog nod langot ka, ?su otin
motallong kos id puungan du,
moppiya mandad nanoy kos
ginawa ru. Otin konna ka od
puung to motallong, od
ooyanan du mandad iddos saa
no imman to monnanap to
puaas nod dubma kikow, no
de-en od toluwon du idda."

8Na, sokkad no allow, mid
ikahi si Kain diyon to ari rin
to, "Abel, undiyon ki to
kamot," kahi rin. Na, tahad to
riyon dan don to kamot, id
imotayan don moho ni Kain
iddos ari rin.

^Tahadtahad, mid intud
iddos od LONGAGGON ki Kain,
kahi rin to, "Kain, ingkon mak
ari ru no si Abel?"

Na, kahi ni Kain to,
"Tovo! Ambo, siyak kos
tohodtamong to ari ku?"

ioNa, mid ikahi ron
mandon iddos od LONGAGGON
to, "Ambot id puungan du
idda? Su saa man iddos
nopuungan du no id imotayan
du kos ari ru. Pominog ka man,
pomon diyon to livuta iddos
longossa to ari ru no timbang
umuu rin id bovuyu nod
suliyan ku iddos id imatoy
kandin. nNa, ko-ungkay," kahi
tod LONGAGGON, "od lu-uran
kud sikkow no konna kad od
pokopuung diyon to livuta, su
id inoyyuhan kad ka-ay't livuta
pomon tid imotayan du iddos

Additional copies of this publication may be obtained from:

Book Depository

P.O. Box 2270 CPO

1099 Manila

Pictures on pages 11, 26, 31, 53, 55, 77, 88 and 162 are by David C. Cook and

are used by permission.

All other pictures in this work were taken from the New Readers' Series

copyright© 1978 by the United Bible Societies and are used by permission.

Genesis

OboManobo

93.5-395-4C 14.120P.951016N

ISBN 971-159-115-4

Printed in the Philippines

^

do Spring!. CXI (0962-2970

1995